تحشيش في تحشيش وما ادراك ما التحشيش بابا نؤيل في بغداد؟؟؟؟

من طرف **شبح القلوب** 28/7/2009, 2:50 am

بابا نؤيل في بغداد
مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً.. بقى تقريبا ثلاث ساعات يدوّر على بيت بي شجرة مال إكرسمس (بس طبيعية مو إصطناعية) وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت...لگيــــــــــــت
نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.
المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع صوت واحد يصيّح (حرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات..كلها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.
والتمّت المونيكات والهمرات والحرس الوطني والشرطة... واحد يگول شفتة لابس حزام ناسف!!.. واحد يگول العربانة مالته مفخخة.
هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد صدّگه وكل ميفك حلگه..يجي راجدي.. وبعدين زينوه صفر وأخذو موبايلة وچانت بجيبة أربع أوراق ونص هم أخذوهِن.. تالـــــي طلع بالگوّة، گالو: رجّال چبير.
رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.
ويدكهة الرجّال مشي من بغداد لبيتهم حتى فلوس كيا بجيبه ماكو وگال وية روحه: آني أجي لبغداد بعد!!!!!
المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة.. وگوة فهموا شنو مفخخة.
كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه (تريله) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله.. وهسة هوة كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويصيح....
ويــــن يـــروح المطلــوب إلنــــة

من طرف **احمد السجادي** 28/7/2009, 5:13 pm

شكرا الك على هذا الاباع

من طرف **شبح القلوب** 28/7/2009, 5:21 pm

شكرا لك ونتمنى من جميع الاعضاء ان يزورونا

تحشيش في تحشيش وما ادراك ما التحشيش بابا نؤيل في بغداد؟؟؟؟ 744058451

من طرف الحمزاوي 29/7/2009, 6:37 pm

حبيبي الغالي والله دا تبدع بس لو شوية دزلنة بعد شكم سالفة غير بابة نؤيل المسكين وبالمناسبة اذا لكيتة للمسكين كولة يمعود هاي بسيطة هذا الي شافة بالطريق كولة لعب جهال لعد شون لو يلعب ويةالشباب ههههههههههههههه حبيب كلبي ممنون منك والله قصة حلوة واتمنة انت تتوفق بالمشاركات والمساهمات I love you

من طرف الحمزاوي 29/7/2009, 6:46 pm

اكولك حبي نسيت اكولك بشغلة ممكن ولو زحمة عليك اذا شفتة مرة اللوخ عمو بابا نؤيل ههههههههههه كولة احسبهة علينة ترة الشباب دا يشاقون ويااااااااااااااااااااااااااك ههههههههههه مو يزعل وخلي يرجع لشغلتة متفيدة افلام الاكشن واذا يريد احنة نعلمة شون عالحركات الاكشنية هههههههه احسلة من الافلام تسلملي وايد ياوردة شكرا الك Embarassed