الكَناطر ,,,, للشاعر جودت التميمي .

من طرف **احمد الاعسم** 19/7/2009, 11:25 pm

الكّناطر

للشاعر جودت التميمي

أشكد صبرنا أعلى الكّناطر ... ؟؟

وأنتَ لا هزك دمعنا .. ولا نفع وياك خاطر

لا خطف وجهك علينه

او لاسماك أعلى العطش والديم ماطر

والله لو أعرف الك موسم حصاد

وما تذر الفشل بعيون اليناطر

جنت أضحي بكل عزيز وجنت بالغالي

وبكاي الروح خاطر ... تعبتني

زامطت دكَيت صدرك واعدتني

وخالفت من دون حلي

وبين الحديثات كلهن فشلتني

وتالي لنك .. بس بالمزامط ودكَ الصدر شاطر

يا حسافة .. يا حسافة أعلى الليالي

العاشرت بيها الكَناطر

أو لا ردت منك أو لا مراية

لا مشط .. لا مكحلة

أو لا ردت صوغة من الولاية

ردت أشوفك ... ردت أكَلك ..

لشوكت عمري يضل واعيوني سبايه .. ؟؟

وردت اكّلك شنهي نيتك .. ؟؟

حرمت أترف اسنيني أيصير تحرمني البكَايه ؟؟

أهواي نشدني الحبايب

يمته فوك الدار تتعلك الرايه .. ؟؟

صدك يمته ؟؟

يمته يا الذبيتي ابكتر الدرب ذبة النوايه

يمته فوك الدار تتعلك الرايه ؟؟

ينشدني .. واضحك

وحتى الضحك مكسور خاطر

يا حسافه .. يا حسافه

أعلى الدموع الفيضت بيها الكّناطر

وهم بعدني .. هم بعدني

أبذاك شوكّي البيك شدني

وللكّناطر

ضوه أطيوفك يا طويل العمر ردني

حكَي .. لا تغتاض مني ..

وانه احس ضحكة الشامت

خنجر أبكّلبي وضهدني ... وأدري بيك

أدري بيك ما ودك تودني

وأنه غاد اعلى الكّناطر

يالمشيت أتجيب لسنين الحزن

جبر الخواطر

**

من طرف **احمد السجادي** 20/7/2009, 4:45 pm

يسلمو حمودي الورد

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 28/7/2009, 11:14 pm

شكرا يسلموووووووووووووووووووووووو

الكَناطر ,,,, للشاعر جودت التميمي .

الكَناطر ,,,, للشاعر جودت التميمي .

رد: الكَناطر ,,,, للشاعر جودت التميمي .

رد: الكَناطر ,,,, للشاعر جودت التميمي .