افتح اعيونك حبيبي

من طرف **احمد الاعسم** 19/7/2009, 11:30 pm

اليوم أكسر سجن صوتي ..
كافي سكته .. احروفي تعبهه الحبس ..
افتح عيونك حبيبي .. الليل والدمعه انتهن .. والظلمة شربتهه الشمس ..
خل أسولفلك سوالف تلعب على جروح امس ..
يابو سكته مسودنة طشر ضحكتك ..
وبّسمر اعيونك عله عيوني وصفنتي .. تغّيم شفافك سنة وتمطر عسل ..
وشكك أوراق الحزن .. مليت .. أريد أكتب غزل ..
يبو طول الجبل دحضنّي تعال .. آنه تعبني العشك وشلون أجيك ..
ويابو خدين الرطب مشتهية روحي .. وتدري بيه ..
حته لو حنظل شفافك مشتهيك ..
يابو كلب النخل ذوبني السكوت .. وصرخة اعيونك دواي ..
وديرم اشفافك صفنتي .. وباب عينك مستحاي ..
بعد تيهني عله بختك .. ذبني مرود كحل يم اعيون هورك ..
وشوفني بخط الكحل ..
وصوغني لبغداد ترجيه وحجل ..
وهدني طير بآخر اجبال العشق ..
لهفان اجيك ..
أعرف النخلات كلهن ..
واندل عيونك حبيبي ..
واشرب الدنية بضحكتك
وأندل إشراسمله الثلج من دنية بركبتك ..
وكلشي أندل .. كلشي أندل ..
مو هذاك آنه العرفته .. تكله من إيدك عليك .. إيكلك اخجل ..
جيت عاشك من صدك بس بيه نار ..
نار تفتح باب لعيون اليتامه .. وترسم لكل دمعه دار ..
افرشلي خلكك خلي أنام بحضن عينك ياعراق ..

وخل اسولفك قضيتي .. منين اجيتك .. جيتك من المستحه من الهور من طرف الكصب
جيتك من البرحي من روس النخل .. من الجبال التشرب اغيوم التعب ..
من التلال .. من الصحاري .. من السراب .. من الملح ومن التراب ..
وجيت اكلّك .. تدري بيه شكد أحبك ياعـــــــــــــــراق
والله مدري اشلون اوصفه .. أكبر من الدنيا كلهه .. ابكبر كلمة ( ياعراق)

ميثاق الهلالي

من طرف **احمد السجادي** 20/7/2009, 4:45 pm

يسلمو حمودي الورد

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 21/7/2009, 2:33 pm

شكرا عل المروووووووور

افتح اعيونك حبيبي

افتح اعيونك حبيبي

رد: افتح اعيونك حبيبي

رد: افتح اعيونك حبيبي