ما مجبــــــــــــــور

من طرف **احمد الاعسم** 20/7/2009, 12:09 am

الشاعر راضي الغزي

مامجبور

مامجبور احط رأسي على صدرك واكشف المستور
ولا مجبور اغني ... والجنح مكســور
ولا مجبور اشيلن همك وهمي وافتر فـرة الناعور
ولا مجبور اصيرن سندباد اتخوض بيـه بحور
بس مجبور اتلاوه ويه روحي واكتم اسراري
واكتل كل ثنايا الطيب خاف الطيب يولد عندي بافكاري
واشير الروح ياهو الرايده اختاري
انه الجانت شواطيي تناغي الروج والجاري
وانه الجانت تسر الصاحب اخباري
تعبني الزمان او جار حيل وياي... وكتي وهدهد اكتاري
ورافكني التعب من رقة اضفاري
بس ... كافي ... عرفت منين دربي اوين معباري
بس .. طلعت شمس كشفت زوايا الليل والمستور ظل عاري
ماريدن اصيرن للسـوالف شـير... ولا ريدن اصيرن بالعشك ساري
مسطاح المحله وفوك جبدي اتدوس ..خذت صافي الحصاد وظل الي الذاري
بعد ما ظل قلب يحمل مرار وضيم ... ولا يعزف بعد للعشك قيثاري

*****

تحيااااااتي

من طرف **احمد السجادي** 20/7/2009, 3:58 pm

يسلموووووووو الموضوع روعة

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 28/7/2009, 11:43 pm

شكرا يسلمووووووووووووووووووووو

ما مجبــــــــــــــور

ما مجبــــــــــــــور

رد: ما مجبــــــــــــــور

رد: ما مجبــــــــــــــور