نصائح

من طرف **شبح القلوب** 19/7/2009, 3:57 pm

هلو اشونكم شباب وبنات اليريد يصير فرحان وما يضوج طبق هاي الخطوات بس بحذافيرها

اولا: تجنب التدخين دائماًحتى في أصعب الأوقات
يعني مو تغافل اهلك وتضربلك كم جكاره بدون حسهم

ثانياً : عليك القيام بالعمل دون كلل أوملل
يعني متتعاجز ولو ابوك يدزك على كلاص مي 200 مره

ثالثاً : إحرص على شرب المشروبات المفيدة
يعني تعوف السوالف المكسره وتشرب ببسي وسينالكو واهم شي السفن لان يروح الحموضه

رابعاً : إضحك ثم إضحك ثم إضحك
يعني حتى اذا قلولك بيتكم احترك هم لاتدير بال اضحك

خامساً : دائماً إستغل وقت الفراغ
مو تكضيها انترنت وبليارد وطلعات الزم كتاب واكعد سج

سادساً : لاتقف أمام المرآة كثيراً
اي لان اثبتت دراسات انو اذا توكف هوايه يصير عندك حول بلعين ولاسمح الله تتخبل

سابعاً : قلل من الروتين اليومي واعمل إبداعا وشيء جديد
يعني سوي فد اختراع مفيد شنو فرقك عن انشتاين

ثامناً : مارس بعض الهوايات التي تحبها
يعني العب طوبه بلشارع ولاتتحارش بلرايحه والجايه

تاسعاً : حافظ على مظهرك الخارجي دائماً
يعني على كوله واحد اعرفه البس ماركات حتى اذا محلو المهم ماركه

عاشراً : لابأس من بعض الحركات المسلية مع أصدقائك
يعني بدون دفرات بوكسيات هيج بس راشديات

من طرف الحمزاوي 29/7/2009, 6:11 pm

السلام عليكم والله اخوية العزيز صدك خوش نصائح وانتة تعرف شعب العراق شعب الذرة يعني المرحوم انشتاين شنو الفرق بيني وبينة واكو ملاحظة هم خوش ملاحظة بالنسبة للمزاح او الشقة يعني انتة تدري اذا ميصير بيهة مرافس شون راح ترهم وشكرا الف شكر على النصائح :P