مناظرة شعرية ( الابوذية )

شكرا الك على هذا الموضوع الرائع
ولك مني هذ الابذية من كتاباتي
نحيل الجسم بودادك ودارك
وعجيب الغيرك عني ودارك
احلف مااصل بابك ودارك
ولااكولن جنت صاحب الية



لكــــــــــــــــــــــم منكم تحيــــــــــــــــاتي
اخوكم

اني اشكر كل من سعى وراء هذه المبادره الجميله وهي المساجله في الابوذيات واشكر كل من قام بكتابة ابوذيه وكول
لون جروحي يلغالي تراهن
بسب فركاك دم يدن تراهن
اذا انت على الخوه تراهن
رهاني عليك يالذاتك وفيه

قضيه ىاسمك على اسمك ماشي خطنه
ازدحام احنه على دربكة ماشي خطنه
شتضن من كد حلاتك ماش خطنه
اليشوفك ينشخط ميه بالميه

يهل واكف على التنور بي نار
ذهب ومسطره الوجنات بي نار
جعل بيت العريضي تشب بي نار
بشماله وما تضل بيه بجيه

الكلب عاف البشر كلهه ولك راد
مشه وسافر وتذكركم ولك راد
عرب ما طيبو علتي ولك راد
دواي انته يهل مبعد عليه

امك تنعه واني انعى نعمتين
جيتك نعمه والضحكه نعمتين
اشفافك تين لتكلي نعم تين
اخاف اتكول ويموعن خطيه

زماني جرد اسيوفه وسنهه
عليه او حرمت عيني وسنهه
وحك الي فرض خمسه وسنهه
بعد هيهات عيش ايصير اليه