حايط طوف ... للشاعر مفيد عزيز البلداوي

من طرف **احمد الاعسم** 19/7/2009, 11:56 pm

حايط طوف
مفيد عزيز البلداوي

يناقوس الحزن دسكتْ
أريد افرح ولو مرّه
وانگر عالخشبْ بأطراف أصابع نوحْ
وافززْ بيك سكتةْ آه .... ويْ حسرهْ
چنت اصْغيِّر وصيّاد..... وانت أدرى
شجاني وسلمت مصيادتي لعصفور ع الشجرةْ
رفّ اجناحْ
طار وراحْ
بعدْ ما خلا خاطر خاطري بكسرهْ
چنت ألعب خرز .... وي جوگة الحلواتْ
حجّة لعب ألعبها ....
وأطمّ الخرز بالنگرهْ
شجاني ادعبلتْ خرزه بسفوح الويلْ
كل ما وايگت طمتني چَفّ قذره
چنت بین الربع موجودْ
حايط طوف بس مسنودْ
وعودان التبن تطلع عليّْ خضره
وهسه اخضر خضارة فــَـيّْ
حدیده بغربتي مشچوخ ْ
حدیده یزورها الزنجارْ
يضربها الهوی .......... واتلین بالفطره
چنت حیل وِيلاوي الحيلْ
اشیل بخنصري العالمْ
واگول شخفّه هالعالم ْ
صرت لو ریش طير الحيمي حطّْ بيدي
اصيح شثگله وشکبره
چنت نکته ترطْب اشْفاف کل حزنان بالضحکهْ
صرت حزوره داخت بیها حتى اهدومي
ما تنحلْ
کآبه وضيجْ
وهموم تهيجْ
وتبلل روحي دمعه من الگلبْ
وتصبّره بصبره
چنت ألعب حبلْ
والزم حبلْ... وادّاحچْ .......... وناري
وکاحة جاهل بعيني....... وتشبْ کبری
وهسه العب على الحبلین ْ
أشب مرتین ْ
اگع مرتین....
کسر إعظامي یجَّبَّرْ
وکسر العین ما ینشافْ
وکسر الخاطر المکسور شیجبره ؟
وچنت العب اعظیم الضاعْ
عیني اترف عل الطابوگ
واصیح بساعْ
لگیت الضاع ْ
واضیعه بمکر حتى صوحبي یدوره
وهسه العب یعمري الضاعْ
وحدي الضیعتْ
وحدي الأدور علیه ْ
یاهو الأسألهْ يدْهَگْ ........ یکتْ ادموعْ
يسألْ : بلکي صادفني بدربْ عمره ْ !!

من طرف **احمد السجادي** 20/7/2009, 4:04 pm

يسلموووووووو الموضوع روعة

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 28/7/2009, 11:33 pm

شكرا عل المروووووووووورررررررررررررررررررررر

حايط طوف ... للشاعر مفيد عزيز البلداوي

حايط طوف ... للشاعر مفيد عزيز البلداوي

رد: حايط طوف ... للشاعر مفيد عزيز البلداوي

رد: حايط طوف ... للشاعر مفيد عزيز البلداوي