ومظات لشاعر الشعبي عبد الحسين الحلفي

من طرف **احمد الاعسم** 19/7/2009, 11:58 pm

ومظات لشاعر الشعبي عبد الحسين الحلفي

عليك الكلب ثابت قفل مقفول
وأموت وما أدور عن بديلك
ماحب الصلاه بس كمت أصلي
أصلي لخاطرك حته أندعيلك
..........
الحكومه انطت شعبها ارقام ورقام
حتة يخابر ويشرح إهمومة
شعب خارج نطاق التغطية يعيش
إذن شيسوي برقام الحكومة؟؟؟؟
..........
هوة غيرك من أشمنة أموت
لاكن أرجع عدل من أشتم هواك
تدري آنة أشكد أحبنك بحيث
من تهد أنت علية أفزع وراك
..........
ألجمال ألبيك دايخ هوة بيك
ويمكن أيدك تخدر إمن تكض أديك
أنتة ربك خالقك بس شكل خاص
يمكن إمسويك إلة يعاين عليك
..........
إبوطنة ألضحكة شردت من ألحلوك
وألعيدية دوم إمزاعلة ألأيد
يجينة إلعيد جان ومامش هدوم
هسة هدوم عدنة ومامش إلعيد
.........
حلو وتتكلب ويختلف وضعك
وكذلتك طايرة وتلعب على ألريح
ألوحيد أنت حلو ومحد يتبعك
لإن من تمر كلهة تدوخ وتطيح
...........
مو بس آني أذوب وأخدر إعليك
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر
..........
أحبك حب ولا مر إعلة أنسان
وتدري أشكد أحبك راح أفهمك
إحلمت آنة بالجنة وأنتة بالنار
أكفّر كمت حتة أنتقل يمك ""
.........
إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك ذاناتي ؟

من طرف **احمد السجادي** 20/7/2009, 4:05 pm

يسلموووووووو الموضوع روعة

[ندعوك للتسجيل في المنتدى أو التعريف بنفسك لمعاينة هذا الرابط]

ومظات لشاعر الشعبي عبد الحسين الحلفي

ومظات لشاعر الشعبي عبد الحسين الحلفي

رد: ومظات لشاعر الشعبي عبد الحسين الحلفي