خزعليات سماوية - صالح السماوي

من طرف **احمد الاعسم** 20/7/2009, 12:04 am

تضامنا مع احزان السنة العراقية للشاعر خزعل الماجدي

كمت احس باحزان نارك
كلي نار
واشتعل تنور كلبي
لازم المحراث دوم
الحبّر بيه اختلاف شلون
اكتب
مكتبي مثل المكاتب
الدفاتر لون واحد
بالقلم خزعل عجيب
دائماُ
شو الكه ابنك
دوّرت حته المعامل
أسأل اصحاب المطابع
عن اصل كل حبر الاسوّد
كالوا الانتاج جفنك
بطّلت حته الكتابة
يوم
اسبوع
وشهر
لا حبر لا جاف بيدي
الزم اقلام الرصاص
وانه اخاف امن الرصاص
عالورق هم الكه ابنك
صار نص عنوانه ليش
يمّه لوعة وامنيات
تسبح بنهر الدموع
والملامة
زين كلّـش زين تدري
يبجي ليهسّه الصليب
وشبّه الهم مو يسوع
عين يعكوب انعمّت يا أنبياء
مو رجع يوسف عليمن
هاي ست سنين ظلمة
ظلت الغزلان تترجه النهار
الشمس محتاجة تطلع
والفجر لو راد يبزغ
ينكتب عالشاشة عاجل
انفجار
والخضر نفسيته راح
من زمان تهدّم ومافاده
كل ماي الحياة

· سارتر جان الصحيح
والمسيح
شالوا اجراس الكنيسة
وبدلوهه بهاونات
عدنه الاطفال شرخصهه
نداست شلون الزهور
وصاحب الابقار يدري
عدهم الوردة شكبرهه
وبالانابيب الاجتـنه
عوّضوا كل العوائل
حته ما تطلك بعد ترتاح
عدنه الامهات
والنبي ايوب نايم
بالعراق
الصبر طبعاُ عراقي
حته عزرائيل
من اهل العراق
والحبر ماطوله اسوّد
من جفن خزعل
عراقي
كاعد اعله ابار حيرة
مرّة يسأل بالنجوم
مرّة يفتر بالشوارع
يمته نار الشوك تبرد
يمته يرتاح الضمير
شايل التابوت بيده
لابس هدوم السفر خافن
يطول
ينتضر حب ظل بعيد
صادق اصحاب المأتم
يصرخ كبال الفواتح
هذا ميرو
لا شهيد ستوّه متزوّج
فقير
ذاك ميرو
لا طفل متكطّع بسيف
الامير
امنيّات الليل كلهه
ضاعت
وبغداد تسأل عالسلام
طارت الغربان ماظلت بلابل
واللثام
يمنع التميّيز بين العنصريّة
دجلة احجي لاجواب
بيا اساس
ساكت تظل هيجي دوم
مو حرّام
والسمّج نص طعمه ناس
الفرات ختلطت اعليه
الاسامي
المنطقه الخضراء حمرة
ظلـّت الزوراء محتارة بنفسهه
والذياب تلوّنت بالليل تعوّي
عدنه احزان السنة متدّت
سنين
بيهه شوك وذكريات
بيهه حنيّة وحنين
بيهه شكوى بلا حجاب
ضمهه صار هواي رب العالمين
بيهه بيهه
من ابو يريد الجواب
وامتنع .......................الجناة
والحقايق
نامت بفي الصديق
والنهاية امن البداية
يبقه اسم مروان عايش
بالقلم

· اشارة الى مقولة الفيلسوف الفرنسي سارتر ( الاخرون هم الجحيم )

من طرف **احمد السجادي** 20/7/2009, 3:58 pm

يسلموووووووو الموضوع روعة

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 28/7/2009, 11:47 pm

يسلمو شطرا على المرور

خزعليات سماوية - صالح السماوي

خزعليات سماوية - صالح السماوي

رد: خزعليات سماوية - صالح السماوي

رد: خزعليات سماوية - صالح السماوي