الطائفيه

من طرف **احمد الاعسم** 20/7/2009, 12:07 am

لجل عين الوطن وعيون هاي الناس ... گتلك صفي گلبك حتى نتشارك

اجيتك شايل ابچفي غصن زيتون ... ليش انته مصر اوياي تتعارك

عوف الطائفيه اومنهج التكفير ... كافي اتبيع اخوك اوتهدم اديارك

مو انته الچنت مضرب مثل بالجود ... حاتم بالضيافه اوشايعه اخبارك

حولته مضيفك غرفه للتعذيب ... اوصفه جمر الدلال اغموس خطارك

چان اليعتنيك اتگصله احلى اثياب ... هس اليعتنيك ايفصله منشارك

قلعت اعيون اخوك اولله لو ناخيه ... چابيده شلعهه اوجابهه الدارك

شجاك اتغيرت مابين ليله اويوم ... عساهه ابخت كلمن سمم افكارك

اريد آنه اسألك جاوبني بلله ارجوك ... جارك ليش يمك نزل وختارك

لان عنك سأل گالوله طيب ذات ... اشلون اطاك گلبك شيلت جارك

من حمّل غراضه اعيونك انته اتشوف ... وتباوع ازغاره اتودع ازغارك

دمع مرته اوبناته الغرگ الوجنات ... يظل طول الحياة ايذكرك ابعارك

حسبالك تأمن من شعلت النار ... هم ترجع عليك اوتاكلك نارك

باچر تنكره والمنك ايعاديك ... و أول ما ايبيس بيك مگوارك

الشاعر يحيى العلاق

من طرف **احمد السجادي** 20/7/2009, 3:58 pm

يسلموووووووو الموضوع روعة

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **احمد الاعسم** 28/7/2009, 11:40 pm

شكرا حبي على المرووووووووووووووووووووووووووووووووووور

الطائفيه

الطائفيه

رد: الطائفيه

رد: الطائفيه