ورد القرنفل

من طرف **احمد الاعسم** 29/7/2009, 11:21 pm

ورد القرنفل

شعر : فالح حسون الدراجي

طحت مره ابهواك وماني ندمـان
من يندم علـى اليعـشگ مثالـك
وأذا چفك نبع والكـون عطشـان
وزلال الماي يشرب مـن زلالـك
وأذا فيّـك يعـادل ميـة بستـان
يانخلة التسـد الفـيّ بدالـك ؟!
يبو عود الحلو ومـن الله ريـان
شتل شمس بسمه أمعشب شتالك
وأذا ورد الگرنفـل بيـك هيمـان
الملح معذور لو هـام ابدلالـك!!
يعصرية حديقـة وفجـر نهـران
يخيعونه الغفه ابكوسـر خيالـك
ويالحظة شعـر والليـل نعسـان
قصيدة وليل واتخيـل جمالـك ؟؟
ايا كاس الصبر والكـاس مليـان
فلا يوم الگلـب مـل واشتكالـك
مضن عمرين وأيوبـك الـى الآن
شباب وبي حسن گد مـا حلالـك
يناعم ، ياترف ، ياشطب ريحـان
اشتهينـاك ابعدالـك وبميـالـك
مثل بردة عروس اگبـال سكـران
وره البردة الخفيفة ايمـر خيالـك
ومثل حچي الكمـان بأيـد فنـان
بيديـه الگلـب دگ وحچالــك
ومثل بچي الشواطي ابموت نهران
حدر جفني العمـر يامـا بچالـك
ومثل نجمه يتيمه ابليـل بـردان
العمر ثلّج ولك من شح وصالـك
تيهني الگلب من زغـري يفـلان
من ذبني علـى حرثـة شتالـك
لهسه ارضع هواك ابديس الاحزان
ورغم شيبي أنا احتـاج لدلالـك
يلوموني ابمحبتك عده وصحبـان
تلوچ انياب لـوم العـده اگبالـك
وحگ مايك گضيت العمر عطشان
ولا مديـت چفـي لغيـر مايـك
وحگ نعمة خبزتك ماني جوعان
وبحلگي العسل خبـزك وچايـك
وإذا مليون ناي ايعزفـن الحـان
فلا تطرب اجروحي لغيـر نايـك
واذا يوم اسألتني اشلونك افـلان
اظل للمـوت اتباهـى ابسؤالـك
انا ابگلبي يقين النـاس بهتـان
واقـوى مـن المؤكـد احتمالـك
يمن خدك امريـع مثـل نيسـان
وشكو احمـر ورد فتـح ابجالـك
ويمن خلگك امبشر مثل بستـان
والگمـره بيمينـك وابشمـالـك
واذا سبعين گمره اصطفت الـوان
ياهو اليگدر ايطفـي احتفالـك ؟؟
قدر مكتوب حبـك صـار يفـلان
ولآخـر سطـر انطـر وصالـك
واذا عود الطـرب يحتـاج دوزان
انا مدوزن علـى نغمـة جمالـك
يبيبان الفجر يـا احلـى بيبـان
ويفـال الخيـر للغبـاش فالـك

_________________________________________

من طرف **احمد السجادي** 30/7/2009, 10:22 pm

من طرف **احمد الاعسم** 30/7/2009, 10:36 pm

شكرا على المرووووووووووووووووووووووووووووووووووووووووووووور

ورد القرنفل

ورد القرنفل

رد: ورد القرنفل

رد: ورد القرنفل