شفت واحد عنده بسطه بيهه انواع الدموع

من طرف **احمد السجادي** 3/8/2009, 12:17 am

شفت واحد عنده بسطه بيهه انواع الدموع
هو عايش عل دموع ولو كظن صدك يجوع
ولو يجوع ايموت ندري الموت ما منه رجوع
كتله خويه اشلون شغلك كلي خير اني قنوع

كتله يعني اشلون قانع ــــــــ كلي كل الدمع بايع
كتله هاي الدمعه ألمن ــــــــ كلي دمعة طفل جايع
كتله هاي وكلي دمعة ــــــــــــ عين أم فكدت الرابع
كتله هاي وكلي دمعة ــــــــــــ علم يبچي اعله الطلايع
كتله هاي وكلي دمعة ــــــــــــ سافر الأرض المواجع
كتله هاي وكلي دمعة ــــــــــــ چثث ناس اعله الشوارع
كتله هاي وكلي دمعة ــــــــــــ ماتو اهله امن المدافع
كتله هاي وكلي دمعة ــــــــــــ كل عراقي اعله الجوامع
كتله هاي وكلي دمعة ــــــــــــ وطن منه البخت ظايع

وشفت يمه بسطة اخرى ألهه منظر حيل يكتل
كتله هذا الدمع ألمن كلي دمعاتي التوشل
وشفت دمعه ابعين تبچي حايره وما ترضه تنزل
ابسرعه يا دمعه أنزلي كلت أني وبلكي تهمل
جاوبتني الدمعه كالت أنه سيف وأنه أكتل
لأن اخر دمعه عمي ولو طحت صدك نعزل