قصيده بعنوان صولة البزون

من طرف **احمد الاعسم** 6/7/2009, 12:36 am

انه كبل سامع والاهل يكولون
عن بعض العقايد واستمع ليها
عقايد لاتظن الصاغها مجنون
هو وكل حكم لقمان حاويها
حكم ماكالها كبله تره فلاطون
بس اصغيلها وتعرف معانيها
اذا حكتك اييد اليمنه يعني ايكون
انت فلوس هشله راح تمليها
واذا اليسره . بعكسها شعندك من ديون
يعني غصب عندك راح تنطيها
واذا حكتك رجلك يعني دايحجون
عنك وانت غافل عن بلاويها
واذا ضركت حمامه عليك هم اتهون
يعني رزق جاك وتبتشر بيها
بس ايبول فوكانه تره البزون
هاي احنه ابد ماجنه ندريها
هيه شلون بوله اتضحك اليبجون
بس لعيونه صارت تبجيها
هو شلون رشه رشه هاالملعون
والله خجله احنه نجيب طاريها
وين اهل الطلاسم والذي يكتبون
ينطونه الحقيقه واحنه نخفيها
اريد اعرف انه تفسيرها شيكون
هاالبلوه الكشره وشنهو تاليها
فتونه ياملالي ولازم اتصدكون
النه وحتى هاي الصفحه نطويها
لان هاي المصيبه بيها داتدرون
وياهو غيركم هاالفتوه يفتيها
لتسبحوا بيها كلهم ايصلون
ابملابسها تصلي لو تعليها
فتونه يلي للرؤيا تره اتعبرون
بيقضه انبال فوكانه شنسميها