دموع الحزن ........... احمد الذهبي

دموع الحــــزن

انه عندي دموعي كلش غاليات
ومايرخصن الا يم الغالي
واغلى واحد انته والوادم وراك
وحالي من تروح يكره حالي
ولذالك من بجيت انه عليك
اعيون طاحت مو دموع اكبالي
من رحت عني وعفتني بلاية روح
على الاقل جا رجعت دلالي
وجاكلت مسكين خل اعطف علية
وخلي اعذره وكلشي ماسوالي
انا ردت اولهم بكلبك اصير
عمي مو اول اصير التالي
انا من عنبك ردت ماحصليت
عاد نعم الله من احصل اسلالي
انت مو مالي وخذت روحي ومشيت
شراح تاخذ كون صاير مالي
كلي تاخذني الك مني وتروح
وانا ارد للبيت منك خالي
روحي ركبه تصير لوصرتلهة سيف
وبين اديك الموت هم يحلالي
اشبيك متعجب طحت يمك جتيل
هو غير انتة الصرت جتالي
لوردت من بالي اشيلك مستحيل
انتة بالي يصير اشييلن بالي
الموت والفركه سوه الوادم تكول
انه اكول الموت والله اشوالي
انت حسبالك نسيتك والسلام
انه بعد الصار هم حسبالي
حسبت غيرك يجي ويمه استراح
والف مو واحد اجه شسوالي
هواي مدولي الحبل لجل الوصال
وانه يم وصلك امد احبالي
والله يم وصلك امد احبالي